دين

۳۔ خدا وند عالم کي طرف سے ھدايت بشر کے لئے انبياء(ع) کي بعثت پر اعتقاد ۔( نبوت)

در حقيقت يہ تينوں اصول ان بنيادي سوالوں کے جواب ميں ھيں جو ھر انسان کے دل ميں بسا اوقات پيدا ھوتے ھيں ۔

1 ۔ مبدائے ھستي کو ن ھے ؟
2 ۔زندگي کا اختتام کس شئي پر ھے ؟
3 ۔ کس راہ و روش کے ذريعے زندگي کو بھترين طرز پر گزاراجا سکتا ھے ؟

اصول دين اپنے ساتھ کچھ لوازمات ليکر آتے ھيں جن سے دين کا عقيدتي سيسٹم تشکيل پاتا ھے ۔ ان اعتقادات ميں اختلافات کي بنياد پر مختلف اديان ، فرقے اور مذھب وجود ميں آتے ھيں ۔ جيسے بعض انبياء(ع) کي نبوت اور آسماني کتاب کے تعين ميں اختلا ف جو اسلام ، يھوديت اور عيسائيت ميں اختلافات کي علت اور سبب بناھے ۔ اختلافات کي بناء پر بعض دوسرے ايسے اعتقادات اور عقائد بھي وجود ميں آگئے ھيں جو اصلي اعتقادات سے قطعاً مناسبت نھيں رکھتے مثلاً عيسائيوں کا تثليثي اعتقاد ،يقينا نظريھٴ توحيد کي ممانعت کرتا ھے ھر چند عيسائي اپنے اس نظريے کي توجيہ کرتے ھيں ليکن کامياب نھيں ھو پاتے۔ اسي طرح جانشين نبي کے انتخاب ميں اختلاف( کہ آيا جانشين نبي خدا کي طرف سے منتخب ھوتا ھے يا عوام الناس بھي انتخاب کر سکتے ھيں )بھي اصول دين ميں اختلافات کي بنياد پر ھي پيدا ھوتا ھے ۔ يہ اتنا اھم اختلاف ھے کہ اسلام ميں دو وسيع فرقوں کي پيدائش کا سبب بن گيا ھے ۔

الغرض ، توحيد ، نبوت اور قيامت تمام آسماني اديان کے اساسي ترين عقائد ميں شمار ھوتے ھيں ۔

انسان کي فطرت جستجو و تجسس

انسان کي روحي صفات ميں سے ايک ،حقائق اور واقعيات سے متعلق اسکي جستجو و تحقيق ھے ۔ يہ صفت ھر انسان ميں اس کے بچپنے ھي سے ظاھر ھو جاتي ھے اور آخر عمر تک جاري رھتي ھے ۔ انسان کي يھي صفت ھے جو اسکو دين سے متعلق مسائل کے بارے ميں تحقيق کرنے پر مجبور کرتي ھے اور اس سے کھتي ھے کہ دين بر حق کي شناخت کے لئے اقدام کرے ۔

آيا عالم غيب يا غير محسوس وجود رکھتاھے ؟ وجود رکھنے کي صورت ميں آيا عالم غيب اور عالم مادي ميں کوئي رابطہ پايا جاتا ھے ؟ رابطہ پائے جانے کي صورت ميں آيا کوئي ايسي غير محسوس ذات ھے جس نے اس مادي دنيا کو خلق کيا ھے ؟

آيا وجود انسان فقط اسي مادي اور محدود زندگي تک ھي محدود ھے يا ايک دوسري زندگي بھي ھے ؟ دوسري زندگي ھونے پر آيا اس مادي و محدود زندگي اور اس دوسري زندگي ميں کوئي رابطہ پايا جاتا ھے ؟ رابطہ ھونے کي صورت ميں وہ کون کون سے عامل ھيں جو دوسري زندگي ميں موثر ھوتے ھيں ؟ اور ايسي کون سي راہ و روش ھے جس کي بنياد پر زندگي کا ايک کامياب اور مناسب دستورعمل حاصل کيا جاسکتا ھے ، ايسا دستور عمل جو انساني کمال و سعادت کيلئے معاون ھو ؟

يہ ايسے سوالات ھيں جو ھميشہ ھر انسان کو ان کے جوابات کے حصول پر اکساتے رھتے ھيں ۔ ايک دوسرا عامل جو انسان کو حقيقت جوئي پر ابھارتا ھے ، يہ ھے کہ انسان ھميشہ يہ چاھتا ھے کہ اسکي خواھشات و ضروريات کي تکميل ھو ۔ ھر چند اسکي يہ خواھشات علمي اور سائنسي پيشرفت کے سائے ميںپوري ھوئي جاتي ھيں ليکن دين کا بھي ان ضروريات کي تکميل اور راہ حق کي نشاندھي ميں اھم کردار ھوتا ھے۔ دين بشر کوبتاتا ھے کہ اسکي کون سي خواھش مناسب ھے اور کون سي نا مناسب ۔ دين انسان کو اس کے حقيقي منافع و مصالح سے آشنا کراتا ھے نيز اسکو نقصانات سے محفوظ رکھتا ھے ۔

خدا شناسي ايک فطري خواھش ھے جس کا سر چشمہ بعض ماھرين نفسيات ”حس ديني “ کو قرار ديتے ھيں ۔ اس حس کو حس تجسس ، حس نيکي اور حس زيبائي کے ساتھ ساتھ روح انسان کے چوتھے بُعد سے تعبير کرتے ھيں ۔ يہ افراد تاريخ اور باستان شناسي کي بنياد پر دعويٰ کرتے ھيں خدا پرستي ھميشہ بني آدم کا خاصہ رھا ھے ۔ يھي عموميت ھے جس کي بنا ء پر کھا جا سکتا ھے کہ خدا پرستي ايک فطري شئي ھے ۔

شناخت دين کي اھميت

بشر جس وقت اس بات سے آگاہ ھوتا ھے کہ طول تاريخ ميں ھميشہ ايسے افراد گزرے ھيں جنھوں نے يہ دعويٰ کيا ھے کہ وہ ھدايت بشر کي خاطر خدا کي طرف سے بھيجے گئے ھيں اور ان افراد نے اپنے پيغام کے ارسال و ترسيل ميں ھر طرح کے مصائب و آلام بر داشت کئے ھيں تو انسان خود بخود دين کي تلاش ميں نکل کھڑا ھوتا ھے تاکہ ان پيغمبروں کے پيغام کي حقيقت کي تھہ تک رسائي حاصل کر سکے ۔ مخصوصاً اسے جب ان پيغمبروں کے پيغام ميں سعادت و نعمت ابدي کي بشارت اور عذاب و عقاب کي خبر ملتي ھے تو اسکي تحقيق و جستجو والا بُعد اس کي دوسري صفات پر حاوي ھو جاتا ھے ۔ ايسا آدمي آکر کس بنا ء پر اپني اس جبلي صفت کو کچل سکتا ھے ؟

ھاں ! ممکن ھے بعض افراد اپنے عيش و آرام کي خاطر تحقيق و جستجو سے متعلق زحمات کو قبول نہ کريں يا صرف اس بناء پر کہ دين کو قبول کرنے کي صورت ميں انھيں دين کي طرف سے عائد شدہ بعض پابنديوں کو قبول کرنا پڑے گا ، سرے سے تلاش و شناخت دين سے منحرف ھو جائيں ۔ ليکن ايسے افرادکي مثال ان چھوٹے بچوں کي سي ھے جو دوا کي کڑواھٹ کي بناء پر ڈاکٹر کے پاس جانے سے گريز کرتے ھيں اور آھستہ آھستہ موت سے قريب ھو تے جاتے ھيںکيونکہ ايسا بچے اپنے نفع و نقصان کے ادراک کے لئے مناسب رشدعقلي کا حامل نھيں ھوتے ۔ ليکن ايک عاقل انسان ھميشہ اس جستجو ميں رھتا ھے کہ حقيقي دين کھاں ھے تاکہ دين بر حق اسکي دائمي اور اخروي نعمتوں کو اس کے لئے فراھم کر سکے ۔

انسان کمال طلب ھے

بشر کا ايک خاصہ يہ بھي ھے کہ اس کے اندر ھميشہ يہ خواھش بيدار رھتي ھے کہ وہ قدم بقدم کمال و عروج حاصل کرتا رھے ۔ بعض افراد کے نزديک يہ کمال فقط اسي مادي دنيا تک محدود ھوتا ھے اور وہ اپني ساري زندگي عيش و آرام ميں گزار کر ختم کر ديتے ھيں البتہ ايسے لوگوں کے نزديک اس چند روزہ زندگي کے ماوراء دوسري کوئي دائمي زندگي نھيں ھوتي ۔

ليکن وہ افراد جو اپني پيدائش کي غرض و غايت کودرک کر ليتے ھيں ان کے نزديک اس مادي اور چند روزہ زندگي کے علاوہ بھي ايک اخروي و دائمي زندگي ھوتي ھے ، اوراسکے لئے وہ اس چند روزہ زندگي ميں اقدامات کرنے لگتے ھيں ۔

حقيقت بھي يھي ھے کہ انساني زندگي کا خاتمہ اسي چند روزہ دنيا پر نھيں ھو جاتا ھے بلکہ ايک دوسري حيات بھي ھے جو کبھي ختم نہ ھونے والي ھے ۔ انساني کمال يہ ھے کہ وہ اس محدود زندگي کو اس دائمي زندگي کا مقدمہ قرار دے تاکہ اپني اخروي زندگي کي حقيقي نعمتوں اور لذتوں سے بھرہ ور ھو سکے ۔

دين اس درميان بھت اھم کردار ادا کرتا ھے کيونکہ آنے والي دائمي زندگي عالم غيب سے مربوط ھے اور انسان اس کا احساس نھيں کر پاتا ھے لھذا دين اسکو اسکي اخروي زندگي کي اھميت ، حقيقت اور اس تک رسائي کي راہ و روش کي نشاندھي کرتا ھے ۔ جس کے لئے وہ بشر کو اپني دنياوي زندگي گزارنے کے لئے ايک الٰھي دستور العمل پيش کرتا ھے جس ميں انساني زندگي کے تمام ابعاد اور پھلوؤں کو پيش نظر رکھتے ھوئے مختلف احکام و قوانين شامل ھوتے ھيں کہ اگر انسان دين بر حق کے ذريعے پيش کردہ اس دستورالعمل پر عمل پيرا ھو جائے تو دائمي و اخروي زندگي کے ساتھ اسکي يہ مادي دنيا بھي سنور جاتي ھے اور انسان اپنے حقيقي کمال تک رسائي حاصل کر ليتا ھے ۔