حضرات معصومین علیهم السلام کے منتخب اخلاق کے نمونے (1)

امام حسین علیہ السلام نے فرمایا: سب سے افضل عمل کونسا ھے؟ اس عرب نے کہا: خدا پر ایمان رکھنا۔

امام علیہ السلام نے اس سے سوال کیا: ھلاکت سے نجات کا راستہ کیا ھے؟ اس عرب نے کہا: خدا پر بھروسہ رکھنا۔

آپ نے فرمایا: مردوں کی زینت کیا ھوتی ھے؟ اس عرب نے کہا: ایسا علم، جس کے ساتھ بُردباری ھو، امام علیہ السلام نے سوال کیا کہ اگر یہ نہ ھوتو؟ اس عرب نے کہا: ایسی دولت جس کے ساتھ ساتھ سخاوت ھو، امام علیہ السلام نے سوال کیا: اگر یہ نہ ھو تو؟ اس نے کہا: تنگدستی اور غربت کہ جس کے ساتھ صبر ھو، امام علیہ السلام نے سوال فرمایا: اگر یہ نہ ھو تو؟ اس عرب نے کہا: آسمان سے ایک بجلی گرے اور ایسے شخص کو جلا ڈالے کیونکہ ایسے شخص کی سزا یھی ھے!

حضرت امام حسین علیہ السلام مسکرائے اور ایک ہزار دینار کی تھیلی اس کو دی اور اپنی انگوٹھی اس کو عطا کی جس میں دو سو درھم کا قیمتی نگینہ تھا، اور فرمایا: اے عرب! ہزار دینار سے اپنا قرض ادا کرو اور انگوٹھی کو اپنی زندگی کے خرچ کے لئے فروخت کردو، چنانچہ عرب نے وہ سب کچھ لیا اور کہا: الله بہتر جانتا ھے کہ اپنی رسالت کو کہاں رکھے ۔ ([114] ) ([115] )

حضرت امام زین العابدین علیہ السلام کے اخلاق کے چند نمونے

توھین کا جواب

امام زین العابدین علیہ السلام کا ایک خاندانی شخص امام علیہ السلام کے پاس آیا اور آپ کے سامنے چلایا اور اس نے آپ کو کچھ ناسزا باتیں کھیں! لیکن امام علیہ السلام نے اس کی ایک بات کا بھی جواب نہ دیا یہاں تک کہ وہ شخص اپنے گھر واپس ھوگیا۔

اس کے جانے کے بعد امام علیہ السلام نے اپنے ساتھیوں سے فرمایا: تم لوگوں نے سنا کہ یہ شخص کیا کہہ رہا تھا؟ میں چاہتا ھوں کہ میرے ساتھ چلو تاکہ میں جو اس کو جواب دوں وہ بھی سن لو، انھوں نے کہا: ٹھیک ھے ، ھم آپ کے ساتھ چلتے ھیں ، چنانچہ امام علیہ السلام نے نعلین پہنے اور اس کے گھر کی طرف روانہ ھوئے، اور فرمایا:

<۔۔۔ وَالْکَاظِمِینَ الْغَیْظَ وَالْعَافِینَ عَنْ النَّاسِ وَاللهُ یُحِبُّ الْمُحْسِنِینَ>[116]

”۔۔۔اور غصہ کو پی جاتے ھیں اور لوگوں (کی خطاؤں) کو معاف کرنے والے ھیں اور خدا احسان کرنے والوں کو دوست رکھتا ھے۔“