زندگانی رسول اکرم (ص)

لیکن باقی رہنے والی زندگی وہ ھے جس میں اپنی نجات کے لئے عمل کرے ، دنیا اس کی نظر میں حقیر هو اور آخرت بڑی اور بزرگ هو، میری رضا کو اپنی رضا پر مقدم کرے، اور ھمیشہ میری خوشنودی کو طلب کرے، میرے حق کو بڑا سمجھے اور اپنی نسبت میری آگاھی کی طرف توجہ رکھے۔

ھرگناہ اور معصیت پر مجھے یاد کرلیا کرے ، اور اپنے دل کو اس چیز سے جو مجھے پسند نھیں ھے پاک رکھے، شیطانی وسو سوں کو مبغوض رکھے ،اور ابلیس کو اپنے دل پر مسلط نہ کرے ۔

جب وہ ایسا کرے گا تو میں ایک خاص قسم کی محبت کو اس کے دل میں ڈال دوں گا اس طرح سے کہ اس کا دل میرے اختیار میں هوگا ، اس کی فرصت اور مشغولیت اس کا ھم وغم اور اس کی بات ان نعمتوں کے بارے میں هوگی جو میں اھل محبت کو بخشتا هوں ۔ میں اس کی آنکھ اور دل کے کان کھول دیتا هوں تاکہ وہ اپنے دل کے کان سے غیب کے حقائق کو سننے اور اپنے دل سے میرے جلال وعظمت کو دیکھے“ :

اور آخر میں یہ نورانی حدیث ان بیدار کرنے والے جملوں پر ختم هوجاتی ھے :

” اے احمد ! اگر کوئی بندہ تمام اھل آسمان اور تمام اھل زمین کے برابر نماز ادا کرے ،اور تمام اھل آسمان وزمین کے برابر روزہ رکھے، فرشتوں کی طرح کھانانہ کھائے اور کوئی فاخرہ لباس بدن پر نہ پہنے (اور انتھائی زہد اور پارسائی کی زندگی بسر کرے) لیکن اس کے دل میں ذرہ برابر بھی دنیا پرستی یا ریاست طلبی یازینت دنیا کا عشق هو تو وہ میرے جاودانی گھر میں میرے جوار میں نھیں هوگا اور میںاپنی محبت کو اس کے دل سے نکال دوں گا ،میرا سلام ورحمت تجھ پر هو ،والحمد للہ رب العالمین “

یہ عرشی باتیں ۔۔جو انسانی روح کو آسمانوں کی طرف بلند کرتی ھیں ، اور آستانٴہ عشق وشهود کی طرف کھینچتی ھیں ۔حدیث قدسی کا صرف ایک حصہ ھے ۔

مزید براں ھمیں اطمینان ھے کہ پیغمبر نے اپنے ارشادات میں جو کچھ بیان فرمایا ھے ان کے علاوہ بھی، اس شب عشق وشوق اور جذبہ ووصال کی شب میں ، ایسی باتیں ، اسرارورموز اور اشارے آپ کے اور آپ کے محبوب کے درمیان هوتے ھیں جن کو نہ تو کان سننے کی طاقت رکھتے ھیں اور نہ عام افکار میں ان کے درک کی صلاحیت ھے، اور اسی بناپر وہ ھمیشہ پیغمبر کے دل وجان کے اندر ھی مکتوم اور پوشیدہ رھے ، اور آپ کے خواص کے علاوہ کوئی بھی ان سے آگاہ نھیں هوا ۔

ہجرت پیامبر اکرم  صلی اللہ علیہ Ùˆ آلہ Ùˆ سلم [36]

مختلف قبائل قریش اور اشراف مکہ کا ایک گروہ جمع هوا تاکہ وہ” دار الند وہ“ میں میٹنگ کریں اور انھیں رسول اللہ Ú©ÛŒ طرف سے درپیش خطرے پر غور وفکر کریں 

(کہتے ھیں) اثنائے راہ میں انھیں ایک خوش ظاھر بوڑھا شخص ملا جو در اصل شیطان تھا (یا کوئی انسان جو شیطانی روح وفکر کا حامل تھا)۔