شيعوں کا علمي تفکر

اعتقادي معارف ميں نص قرآن کي رو سے علم اور يقين ضروري ھے لھذا جو احاديث متواتر ( احاديث ثقہ ) ھيں يا کوئي ايسي حديث ھے جو قرائن و شواھد کے ذريعے ثقہ احاديث کے زمرے ميں آتي ھے ، اس پر عمل ضروري اور لازمي ھے ، ان دو طريقوں کے علاوہ کسي دوسرے طريقے سے جس کو ” خبر واحد “ ( يعني وہ احاديث جو صرف ايک ھي ذريعے سے حاصل ھوئي ھے ) کھتے ھيں ـ کسي حديث کو قابل اعتبار اور قابل اعتماد نھيں کھا جا سکتا ـ

ليکن شرعي احکام ميں جب کسي حکم کا نتيجہ حاصل کيا جاتا ھے ، تو تعين شدہ طريقے اور دلائل پر نظر رکھتے ھوئے ” حديث متواتر اور حديث قطعي “ کے علاوہ ” خبر واحد “ ( حديث واحد ) پر بھي عمل کيا جاتا ھے ، بشرطيکہ اگر وہ کسي ذريعے اور طريقے سے قابل يقين اور قابل وثوق ھو ـ

پس احاديث متواتر اور احاديث قطعي ، شيعوں کي نظر ميں مکمل طور پر لازم الاتباع يا واجب العمل ( جن پر عمل کرنا فرض اور ضروري ھو ) ھيں اور اسي طرح غير قطعي اور غير يقيني ( خبر واحد ) احاديث ، بشرطيکہ کسي طريقے اور ذريعے سے قابل يقين ھو جائيں تو صرف شرعي احکام ميں ھي حجت اور برھان ھوں گي ( يعني صرف شرعي احکام ميں ھي ان کي پيروي اور اطاعت ضروري ھو گي نہ کہ تمام امور ميں ) اور يہ احاديث لازم الاتباع نھيں ھيں ـ

اسلام ميں عام تعليم و تعلم

علم حاصل کرنا دين اسلام کے فرائض ميں سے ھے ـ پيغمبر اکرم صلي اللہ عليہ و آلہ وسلم فرماتے ھيں :” علم حاصل کرنا ھر مسلمان پر فرض ھے اور قطعي شواھد سے تصديق شدہ احاديث کے مطابق اس علم کا مطلب اسلام کے تين اصولوں ( توحيد ، نبوت ، معاد يعني روز قيامت ) کو جاننا ھے ، اور ايسے ھي ان کے قريبي علوم کو سمجھنا ھے ، پھر اسلامي احکام اور قوانين کي تفصيلات کو سمجھنا ھے ،يعني ان تمام علوم کو حاصل کرنا فرض ھے ، جس قدر بھي ھر انسان کرسکتا ھو اور زندگي ميں اسے ضرورت ھوتي ھو ـ

البتہ واضح ھے کہ اصول دين کے ساتھ علم حاصل کرنا ، خواہ و ہ اجمالي لحاظ سے ھي کيوں نہ ھو ، ھر شخص کے لئے ميسر ھے اور ھر انسان کي طاقت ميں بھي ھے ليکن ديني قوانين اور احکام کے تفصيلي معني کے لحاظ سے کتاب و سنت ( فقہ استدلالي ) کے بارے ميں ٹيکنيکل اور مستند علم حاصل کرنا ھر شخص کے بس کي بات نھيں ھے اور صرف بعض لوگ ھي اسے حاصل کر سکتے ھيں اور اسلام ميں طاقت فرسا ( حرجي ) حکم نھيں آيا ھے ( يعني کوئي ايسا حکم نھيں ديا گيا جس کي وجہ سے انسان کو دکہ اور تکليف ھو )

لھذا دليل و برھان کے ذريعے ديني قوانين و احکام کے بارے ميں علم حاصل کرنا ” واجب کفايہ “ ھے اور صرف بعض افراد سے متعلق ھے جو اس کي صلاحيت اور طاقت رکھتے ھيں اور باقي تمام افراد کا فرض يہ ھے ( جيسا کہ عام دستور اور قانون کے مطابق يعني جاھل شخص ايک عالم اور فاضل شخص کي طرف رجوع کرے ، عالم کي طرف رجوع کرنے کا طريقہ کھ) مذکورہ اشخاص کي طرف رجوع کريں ( جن کو مجتھد اور فقيہ يا عالم کھا جاتا ھے ) اور اس رجوع کو تقليد کھا جاتا ھے ، البتہ يہ رجوع اور تقليد اس رجوع اور تقليد کے علاوہ ھے جو اصول معارف ميں موجود ھے اور قرآن مجيد کي نص صريحہ ” و لا تقف ما ليس لک بہ علم “ کے مطابق ممنوع ھے ـ

يہ جاننا چاھئے کہ شيعہ ابتدائي تقليد ميں مردہ مجتھد کو جائز نھيں جانتے يعني جو شخص مسئلے کو اجتھاد کے ذريعے نھيں جانتا اور ديني فرض کے مطابق اسے ايک مجھتد کي تقليد کرني چاھئے ، پس وہ مجتھد جو زندہ نھيں ھے اس کے نظرئيے کي تقليد نھيں کر سکتا ـ البتہ اگر اس مجتھد کي زندگي ميں اس کي تقليد کرتا رھا ھو ، اس کي وفات کے بعد بھي وہ اس کا مرجع تقليد باقي رھے گا ( يعني مجتھد کي وفات کے بعد بھي اس کي تقليد کو جاري رکہ سکے گا ) اور يہ مسئلہ شيعوں کي اسلامي فقہ کو زندہ اور تازہ رکھنے کے عناصر و عوامل ميں سے ھے تاکہ کچھ لوگ ھميشہ اجتھاد تک پھونچنے کي کوشش اور جدو و جھد کرتے رھيں اور اس طرح فقھي مسائل ميں اپني تحقيق جاري رکہ سکيں ، ليکن اھلسنت پانچويں صدي ھجري ميں اجماع امت کي وجہ سے اپني فقہ کے چار اماموں يعني امام ابو حنيفہ ، امام مالک ، امام شافعي اور امام احمد حنبل ميںسے کسي اور کي تقليد کو بھي جائز نھيں سمجھتے ، اور اس کے نتيجے ميں ان کي فقہ اسي سطح پر باقي رہ گئي ھے جيسا کہ بارہ سو سال پھلے تھي ، ليکن اس آخري زمانے ميں بعض افراد نے پراني اجماع اور تقليد سے انکار کرتے ھوئے آزاد اجتھاد کو شروع کر ديا ھے ـ

شيعہ اور نقل علوم

اسلامي علوم جو علمائے اسلام کي تدوين و اختراع اور ايجاد کے مرھون منت ھيں ، دو حصوں ميں منقسم ھيں يعني ” علوم عقلي “ اور ” علوم نقلي “ علوم نقلي وہ علوم ھيں جن کے مسائل کو لکھا جاتا ھے يا زباني بيان کيا جاتا ھے مثلا علم لغت ، علم حديث ، رمل تاريخ اور ايسے ھي دوسرے علوم اور علوم عقلي ان کے علاوہ دوسرے تمام علوم ھيں مثلا علم فلسفہ اور علم رياضي وغيرہ جن کے بارے ميں غور و فکر کي ضررت ھے ـ

اس ميں کوئي شک نھيں ھے کہ اسلام ميں علوم نقلي کي پيدائش کا اصلي سبب يا عنصر خود قرآن کريم ھي ھے اور دو تين علوم يا فنون مثلا تاريخ ، انساب اور عروض کے علاوہ باقي تمام علوم اسي آسماني کتاب کے خانہ زاد ھيں ـ

مسلمانوں نے ديني تحقيق و بحث کي رھنمائي ميں ان علوم کو شروع کيا ھے جن ميں اھم عربي ادبيات ، علم نحو ، صرف، معاني ، بيان ، بديع و لغت وغيرہ شامل ھيں اور ايسے ھي ديني ظواھر کے متعلقہ علوم مثلا علم قراٴت ، علم تفسير ، علم رجال ، علم درايت ، علم اصول اور علم فقہ ھيں ـ