صحیفہ حضرت فاطمه زھراء سلام اللہ علیھا

بارالھا: فشار قبر اور دوستوں سے جدائی کے وقت اور اس تنہائی میں جب مجھے قبر میں اتاریں اور قیامت میں میری غربت پر اور میری نیاز مندی میں جب تمہاری بارگاہ میں حساب و کتاب کے لئے کھڑی ہوں تو رحم فرمانا۔

اے میرے مالک: آگ سے تیری پناہ کی طلب گار ہوں مجھے پناہ دے۔

پروردگارا: آگ سے نجات کی طلب گار ہوں مجھے نجات دے۔

اے پروردگارا: آگ کے ڈر سے تیری طرف آئی ہوں مجھے جہنم کی آگ سے دور رکھ۔

بارالھا: انتہائی محرومی کی حالت میں تیری رحمت کی طلب گار ہوں مجھے اپنی رحمت سے محروم نہ کرنا۔