منازل الآخرت

تیسری بحث:  قیامت Ú©ÛŒ نشانیاں

اشتراط الساعة کے لغوی معنی تمام شرائط کا جمع ھونا ھے، یہاں پر نشانی مراد ھے، لہٰذا اشتراط الساعة کے معنی قیامت کی نشانیاں یا قیامت پر دلالت کرنے والی علامتیں ھیں،ابن عباس سے مروی ھے کہ قیامت کی نشانیاں جیسا کہ خداوندعالم نے ارشاد فرمایا ھے:

< فَہَلْ یَنْظُرُونَ إِلَّا السَّاعَةَ اٴَنْ تَاٴْتِیَہُمْ بَغْتَةً فَقَدْ جَاءَ اٴَشْرَاطُہَا فَاٴَنَّی لَہُمْ إِذَا جَاءَ تْہُمْ ذِکْرَاہُمْ>[75]

”تو کیا یہ لوگ بس قیامت ھی کے منتظر ھیں کہ ان پر اک بارگی آجائے تو اس کی نشانیاں آھی چکی ھیں تو جس وقت قیامت ان (کے سر) پر آپہنچے گی پھرانھیں نصیحت کہاں مفید ھو سکتی ھے“۔

یہ آیہ شریفہ قیامت کی دو نشانیاں بیان کرتی ھیں:

۱۔ قیامت اچانک او رناگہانی طور پر آئے گی، جیسا کہ ارشاد الٰھی ھوتا ھے:

<لاَتَاٴْتِیکُمْ إِلاَّ بَغْتَةً>[76]

”وہ تمہارے پاس بس اچانک آجائے گی“۔

یہ آیت اس بات پر (بھی) دلالت کرتی ھے کہ قیامت کے آنے کا وقت صرف خداوندعالم کے پاس ھے، جیسا کہ ارشاد خداوندی ھوتا ھے:

< قُلْ إِنَّمَا عِلْمُہَا عِنْدَ رَبِّی لاَیُجَلِّیہَا لِوَقْتِہَا إِلاَّ ہُوَ>[77]

”تم کہہ دو کہ اس کا علم بس فقط میرے پروردگار ھی کو ھے وھی اس کے معین وقت پر اس کو ظاہر کردے گا “۔